{category-title}

Deputat BNA-nın işini topa tutdu... - "Keyfiyyətli xidmət budursa..."

 Bakı Nəqliyyat Agentliyi tərəfindən Bakıda qanunsuz parklanmaya görə maşınlar təxliyə olunacaq. 

Agentlik təxliyə işlərinin həyata keçiriləcəyi ünvanları da açıqlayıb. Bakıda müşahidə kamerası və mühafizəsi olan pulsuz parklanma yerləri olmadığına görə avtomobillərin parklanması ciddi problemə çevrilib. Sürücülər nəinki mərkəz, hətta ətraf ərazilərdə belə avtomobillərini saxlamaq üçün yer tapmırlar. “Parkovka”lar baha və az sayda olduğundan, sürücülər harada boş yer varsa, orada maşın saxlamağa məcbur qalır, nəticədə cərimə ödəməli olurlar. 

Bakı Nəqliyyat Agentliyinə parklanma ilə bağlı səlahiyyətlər veriləndən sonra paytaxtda bu sahədə böyük problemlər yaranıb. Qurum isə problemi heç cür yoluna qoya bilmir, yaxud bunu istəmir. Bəzi hallarda isə agentlik vətəndaşlara xidmət göstərmək əvəzinə, problem yaratmaqla məşğul olur. 

Halbuki parklanma ilə bağlı məsələdə də agentlik üzərinə düşən vəzifənin öhdəsindən gəlməli, maşınların təxliyə olunacağı yerləri açıqlamaqla kifayətlənməyib, sürücülərin öz avtomobilini saxlaması üçün alternativ varinatlar də təqdim etməlidir. Agentlik isə mətbuat katibi Mais Ağayev vasitəsilə heç bir alternativ təqdim edilməyəcəyini bildirərək, sürücüləri problemlərlə baş-başa qoyur. 

Məsələ ilə bağlı Cebhe.info-ya danışan millət vəkili Fazil Mustafa deyib ki, Bakı Nəqliyyat Agentliyinin xidmətlə bağlı anlayışı hələ müəyyənləşməyib: 

“Dəfələrlə piyada zolaqlarının çəkilməsi məsələsini qaldırdım, reaksiya verən olmadı. Çünki burada xidmətdən söhbət gedir. Amma cərimə yığmaqdan söhbət gedəndə, dərhal reaksiya verirlər. Azərbaycanda bir sıra qurumları xidmətə alışdırmaq lazımdır. Bakı Nəqliyyat Agentliyi hələ də başa düşmür ki, dövlət büdcəsindən onlara vəsait ayrılır. Məhz dövlət büdcəsindən ayrılan vəsaitə görə də vətəndaşa xidmət eləməlidirlər. Vətəndaşlara əlbəttə ki, alternativ yerlər verməlidirlər. Əgər hər hansı addım atılmırsa, bəs vətəndaş nə etməlidir? Bulvara minlərlə insan gəlir, yer də yoxdur, nə etsin? Dayanacaqların əksəriyyətində qiymətlər “od püskürür”. Məsələn, adam orada 3 saat qalırsa, niyə 2 manat ödəməlidir? Bunlar hamısı nəzərə alınmalıdır. Vətəndaşı soymaqla məsələ bitmir ki? Soyulan da öz vətəndaşımızdır, onun müəyyən qədər cibindən çıxan vəsait də dövlətə ziyan vurur, yoxsullaşır. Bu kimi məsələlərdə daha anlayışlı davranmaq lazımdır. Təbii ki, adam yolu kəsibsə, müəyyən qədər nəqliyyatın hərəkətinə problem yaradırsa, onu götürmək vacibdir. Amma tərəddüdsüz götür, cərimələ və ağır da cərimə qoy, bu, xidmət deyil. Vətəndaş əgər nəqliyyat vasitəsini yolun sadəcə kənarında saxlayıb, heç bir hərəkətə də mane olmursa, məcburiyyətdən orada saxlayıbsa, saxlama yeri yoxdursa, nə etməlidir? Düşünmədən atılan hər hansı bir addımın effekti yoxdur və bu, olduqca narazılıq yaradan məsələlərdəndir. Bu narazılığı yaratmağa isə heç bir qurumun haqqı yoxdur. Çünki ölkə prezidenti dəfələrlə bildirib ki, bütün fəaliyyətlər vətəndaşa xidmətin yaxşılaşdırılması məqsədidir. Bu qurum niyə yaradılıb? Elə yol polisi bu işi görürdü və ondan da keyfiyyətli həyata keçirirdi. Bakı Nəqliyyat Agentliyi ona görə yaradıldı ki, vətəndaşa daha yüksək, keyfiyyətli xidmət göstərsin. Keyfiyyətli xidmət budursa, burada keyfiyyət görünmür axı... ” 

Son xəbərlər

Sabah respublika üzrə pensiyalar tam ödəniləcək

Hacıqabulda zəlzələ olub

Məleykə Abbaszadə DİM-in sədri vəzifəsindən azad edilib, BDU-nun rektoru təyin olunub

Elçin Babayev Bakı Dövlət Universitetinin rektoru vəzifəsindən azad edilib

Əmtəə bazarlarında qızlın ucuzlaşması davam edir

Vəkil Orxan Kəngərli polis tərəfindən saxlanılaraq həbs olunub

Azərbaycan və Gürcüstan Orta Dəhlizin rəqabət qabiliyyətinin artırılmasını müzakirə edib

DİM-in dövlət qulluğuna qəbul üzrə daxili müsahibə elanı ləğv edilib

Hesablama Palatası: İSF-nin debitor və kreditor borcları artıb

Su və Meliorasiya üzrə Layihələndirmə və Elmi Tədqiqat İnstitutunun işçilərinin sayı müəyyənləşib

İran ordusu ABŞ-a məxsus MQ-9 PUA-sını vurduğunu bildirir

Diasporla İş üzrə Dövlət Komitəsi sədrinin müavinlərinin sayı artırılıb - FƏRMAN

Şençjen sammiti: Çin, ABŞ və Rusiya liderlərinin görüşü beynəlxalq münasibətlərdə dönüş yarada biləcəkmi? – TƏHLİL

Almaniyanın xarici işlər naziri Ermənistana gedib

Ermənistan gələn il hərbi büdcəni 1,71 milyard dollara çatdırmağı planlaşdırır

Azərbaycan gələn il aqrar sektordan 13 milyon manat vergi yığmaq istəyir

Bu il peşə təhsili almaq üçün 52 min nəfər müraciət edib

Azərbaycan boksçusu ilə döyüşdə erməni rəqibi diskvalifikasiya olunub

Mərdəkanda yataqxanada yanğın olub

Azərbaycan Gürcüstanla enerji əməkdaşlığını müzakirə edib

Tasnim: SEPAH ABŞ-nin Küveytdəki bazasına zərbələr endirib

Fransada minə yaxın polis etiraz aksiyalarında iştirakdan yayınmaq üçün tibbi müayinəyə müraciət edib

Prezident İlham Əliyev Gürcüstanın Baş nazirinin müavinini qəbul edib

Əmək məzuniyyətinin minimum müddətinin kompensasiya ilə əvəz olunması qadağan edilir

Bütün xəbərlər