Olkə - Pressxeber.com

İlham Əliyev və Mehriban Əliyeva Şamaxıya səfər ediblər

lennon — Thu, 17 Sep 2026 13:10:47 +0400

Azərbaycan Prezidenti İlham Əliyev və birinci xanım Mehriban Əliyeva sentyabrın 17-də Şamaxı rayonuna səfər ediblər.

Dövlət başçısı və birinci xanım xalqın Ümummilli Lideri Heydər Əliyevin Şamaxı şəhərinin mərkəzində ucaldılmış abidəsini ziyarət ediblər.

Yağış yağacaq, çaylarda sululuq artacaq - XƏBƏRDARLIQ

lennon — Fri, 11 Sep 2026 17:37:42 +0400

Azərbaycanın bəzi rayonlarında əsasən gündüz saatlarında sentyabrın 12-13-də arabir yağış yağacağı gözlənilir.

Bu barədə Milli Hidrometeorologiya Xidməti məlumat yayıb.

Ölkənin cənub-şərq rayonlarında və dağlıq ərazilərində yağışın qısamüddətli leysan xarakterli olacağı, şimşək çaxacağı, dolu düşəcəyi ehtimalı var.

Yağıntılı hava şəraiti ilə əlaqədar çaylarda sululuğun artacağı ehtimal olunur.

Kolleclərin boş qalan yerlərinə ixtisas seçimi bu gün başa çatır

lennon — Thu, 10 Sep 2026 10:29:56 +0400

Ümumi (9 illik) orta təhsil bazasında orta ixtisas təhsili müəssisələrinin boş qalan plan yerlərinə bu gün ixtisas seçimi başa çatır.

Bu barədə Dövlət İmtahan Mərkəzindən (DİM) məlumat verilib.

Bildirilib ki, ixtisas seçimi bu gün saat 23:59-da başa çatacaq.

Qeyd edək ki, ixtisas seçmək hüququ olan abituriyent orta ixtisas təhsili müəssisələrinin dövlət hesabına və ödənişli əsaslarla olan 12-yə qədər ixtisas kodunu seçib "Abituriyentin elektron ixtisas seçimi ərizəsi"ni doldurmalı və təsdiqləməlidir.

Azərbaycanda minadan zərərçəkmişlər ödənişsiz psixoloji yardım alacaqlar

lennon — Tue, 08 Sep 2026 18:14:30 +0400

Mina problemindən zərərçəkmişlər dövlət büdcəsinin vəsaiti hesabına ərazi dövlət tibb müəssisələrində və ya həmin müəssisənin göndərişi ilə ixtisaslaşdırılmış dövlət tibb müəssisəsində psixoloji yardımla təmin olunacaqlar.

Bununla bağlı Baş nazir Əli Əsədov "Ödənişsiz psixoloji yardımın göstərilməsi Qaydası və Şərtləri"ndə dəyişiklik edilməsi haqqında qərar imzalayıb.

Qərar "Minatəmizləmə fəaliyyəti haqqında" qanunun icrası ilə əlaqədar olaraq imzalanıb.

Sənədə əsasən, "Minatəmizləmə fəaliyyəti haqqında" qanuna uyğun olaraq zərərçəkmişlər dövlət büdcəsinin vəsaiti hesabına ərazi dövlət tibb müəssisələrində və ya həmin müəssisənin göndərişi ilə ixtisaslaşdırılmış dövlət tibb müəssisəsində psixoloji yardımla təmin olunacaqlar.

Media və Yayım Şurasına sədr və üzvlər təyin edilib - SİYAHI

lennon — Tue, 08 Sep 2026 14:37:44 +0400

Azərbaycan Respublikası Media və Yayım Şurasına sədr və üzvlər təyin edilib.

Prezident İlham Əliyev bununla bağlı Sərəncam imzalayıb.

Sərəncama əsasən, aşağıdakı şəxslər Media və Yayım Şurasının sədri və üzvləri təyin ediliblər:

Media və Yayım Şurasının sədri

İsmayılov Əhməd Məhəmməd oğlu

Media və Yayım Şurasının üzvləri

Abdullayev Məhəmməd İzzət oğlu

Bəşirli Aynur Əliövsət qızı

Kərimova Rəqsanə Tofik qızı

Məmmədov Fərhad Rauf oğlu

Nadirov İlkin İlqar oğlu

Novruzov Fazil Hacıverdi oğlu.

Təhsil göstəricilərinin yaxşılaşdırılmasına xüsusi diqqət yetirilməli olan bölgələr açıqlanıb

lennon — Tue, 08 Sep 2026 12:46:12 +0400

Xüsusi ilə bəzi bölgələrdə oxu savadlılığı üzrə ciddi problemlər var.

Bunu elm və təhsil naziri Emin Əmrullayev PISA 2025 nəticələrinin təqdimatı zamanı bölgələr üzrə oxu savadlılığında müşahidə olunan fərqlərdən danışarkən deyib.

Nazir bildirib ki, regionlarda təhsilin keyfiyyətinin yüksəldilməsi istiqamətində məqsədyönlü iş aparılmalıdır. O, bu vəziyyəti müəllimlərin sertifikatlaşdırılması imtahanlarında ayrı-ayrı regionlar üzrə müşahidə olunan nəticələrlə də əlaqələndirib: “Bu regionlarda əsaslı şəkildə işləmək lazımdır. Sertifikatlaşdırma imtahanlarında da bu məsələ ilə bağlı müəyyən nəticələri görmüşük. Həmin bölgələrdə müəllimlərlə genişmiqyaslı iş aparmaq lazımdır”.

Emin Əmrullayev Lənkəran-Astara, Mil-Muğan, Salyan və Masallı kimi bölgələrdə təhsil göstəricilərinin yaxşılaşdırılmasına xüsusi diqqət yetirilməsinin vacibliyini vurğulayıb.

Qobustanda daha bir körpü cəmi 38 günə inşa edilib

lennon — Mon, 07 Sep 2026 17:40:41 +0400

M-2 Bakı–Ələt–Qazax–Gürcüstanla dövlət sərhədi avtomobil yolunun 55-ci kilometrliyində, Qobustan qəsəbəsi ərazisində yerləşən daha bir körpünün inşası başa çatıb.

Bu barədə Azərbaycan Avtomobil Yolları Dövlət Agentliyi melumat yayıb.

Məlumata görə, cəmi 38 gün ərzində mövcud körpü sökülərək onun yerində müasir norma və standartlara cavab verən yeni biraşırımlı körpü inşa edilib. Körpünün dayaqları və aşırım qurğusu tikilib, yanaşma hissələri abadlaşdırılıb, təhlükəsizlik çəpərləri, səki və digər yol infrastrukturu elementləri quraşdırılıb.

Xatırladaq ki, bir müddət əvvəl magistral yolun Bakı istiqamətində yerləşən körpü də yenidən inşa edilərək istifadəyə verilmişdi.

Yeni körpünün inşası nəqliyyat vasitələrinin daha rahat və təhlükəsiz hərəkətinin təmin olunmasına xidmət edir.

Kanaldan meyit tapıldı

lennon — Mon, 07 Sep 2026 16:51:44 +0400

Quba rayonunun Gədikqışlaq kəndi ərazisində kanaldan meyit tapılıb.

Meyiti tapılan şəxsin Xaçmaz rayon sakini 58 yaşlı Marina Bağırova olduğu bildirilir.

Hadisənin təfərrüatları araşdırılır.

Azərbaycan Premyer Liqasında IV turun təyinatları açıqlanıb

lennon — Thu, 03 Sep 2026 12:01:45 +0400

Misli Premyer Liqasında IV turun oyunlarına təyinatlar açıqlanıb.

Bu barədə Peşəkar Futbol Liqası məlumat yayıb.

Misli Premyer Liqası

I dövrə, IV tur

4 sentyabr

18:00. "Qəbələ" – "İmişli"

Hakimlər: Rauf Cabarov, Rahil Ramazanov, Tərlan Talıbzadə, Rəvan Həmzəzadə.

VAR: Rəşad Əhmədov.

AVAR: Eyyub İbrahimov.

Hakim-inspektor: İmanxan Sultani.

AFFA nümayəndəsi:

Qəbələ şəhər stadionu

20:15. "Kəpəz" – "Şamaxı"

Hakimlər: Vüqar Həsənli, Rəhman İmami, Gülnurə Əkbərzadə, Namiq Bəkirov.

VAR: Nicat İsmayıllı.

AVAR: Teymur Teymurov.

Hakim-inspektor: Əmrah İbrahimov.

AFFA nümayəndəsi:

Gəncə şəhər stadionu

5 sentyabr

18:30. "Sabah" – "Zirə"

Hakimlər: İnqilab Məmmədov, Namiq Hüseynov, Zöhrab Abbasov, Əli Əliyev.

VAR: Tural Qurbanov.

AVAR: Asiman Əzizli.

Hakim-inspektor: Zöhrab Qədiyev.

"Bank Respublika Arena"

20:30. "Neftçi" – "Şəfa"

Hakimlər: Əliyar Ağayev, Zeynal Zeylanov, Akif Əmirəli, Elvin Bayramov.

VAR: Fərid Hacıyev.

AVAR: Cəmil Quliyev.

Hakim-inspektor: Babək Quliyev.

"Palms Sports Arena"

6 sentyabr

18:00. "Turan Tovuz" – "Sumqayıt"

Hakimlər: Kamranbəy Rəhimov, Şirmamed Mamedov, Kərim Zeynalov, Ruslan Quliyev.

VAR: Kamal Umudlu.

AVAR: Vüsal Məmmədov.

Hakim-inspektor: Orxan Məmmədov.

Tovuz şəhər stadionu

20:15. "Qarabağ" – "Araz-Naxçıvan"

Hakimlər: Cavid Cəlilov, Kamran Bayramov, Müslüm Əliyev, Emin Əliyev.

VAR: Elçin Məsiyev.

AVAR: Pərvin Talıbov.

Hakim-inspektor: Munis Abdullayev.

Tofiq Bəhramov adına Respublika stadionu

Bakıda 30, rayonlarda 32 dərəcə isti olacaq

lennon — Wed, 02 Sep 2026 13:32:43 +0400

Azərbaycanda sentyabrın 3-də 32 dərəcə isti olacaq.

Bu barədə Milli Hidrometeorologiya Xidməti məlumat yayıb.

Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi əsəcək.

Havanın temperaturu gecə 19-21° isti, gündüz 26-30° isti olacaq. Atmosfer təzyiqi 762 mm civə sütunu təşkil edəcək. Nisbi rütubət gecə 70-75 %, gündüz 45-50 % olacaq.

Azərbaycanın rayonlarında hava şəraitinin əsasən yağmursuz olacağı gözlənilir. Lakin gecə və səhər bəzi dağlıq ərazilərdə qısamüddətli yağış yağacağı, şimşək çaxacağı ehtimalı var. Gecə və səhər bəzi dağlıq ərazilərdə arabir duman olacaq, şərq küləyi əsəcək.

Havanın temperaturu gecə 18-22° isti, gündüz 27-32° isti, dağlarda gecə 10-15° isti, gündüz 18-22° isti olacaq.